Bakıda Argus Azərbaycan Beynəlxalq Neft Sammiti keçiriləcək

  • Space TV
  • 5 Fevral 2020 11:33

2020-ci ilin martın 12-13-ü tarixlərində Bakıda “Argus Beynəlxalq Qiymət Agentliyi”nin baş tərəfdaşı olan SOCAR-ın dəstəyilə təşkil edəcəyi II Argus Azərbaycan Beynəlxalq Neft Sammiti keçiriləcək.

SPACE TV xəbər verir ki, tədbirdə neft hasilatı və emalı, nəqliyyat, ticarət sahələrində regionun ən iri şirkət və müəssisələri iştirak edəcək.

Sammit zamanı neft, neft məhsulları, neft-kimya məhsullarının nəqli marşrutları və treydinqin xüsusiyyətləri müzakirə olunacaq, Xəzər regionu ölkələrindəki yeniliklər təqdim ediləcək. Həmçinin, nəqliyyat və neft emalı infrastrukturunun yenilənməsinə və genişləndirilməsinə dair müzakirələrin də aparılacağı gözlənilir.

“Argus”un açıqlamasında Xəzər regionunda məhsul tədarükündə treydinq və logistika baxımdan yeni imkanlar yaradan irimiqyaslı layihələrin həyata keçirilməsi üçün region ölkələri neft hasilatı, nəqliyyat, ticarət şirkətləri üçün mühüm əhəmiyyət kəsb edir.

Xatırladaq ki, I Argus Azərbaycan Beynəlxalq Neft Sammiti 2017-ci ilin oktyabrın 12-13-ü tarixlərində keçirilib.

Dünya miqyaslı müstəqil qiymətləndirmə agentliyi olan “Argus Media” beynəlxalq xammal bazarlarındakı qiymət səviyyəsini hesablayaraq bazarı təhlil edir, ixtisaslı məsləhət xidmətləri göstərir, sahə mövzularına dair konfranslar keçirir.

Paylaş

 Xəbəriniz olsun