Bakı kəndlərinə işləyən avtobuslar ilin sonuna kimi kart sisteminə keçir

  • SpaceTV
  • 9 Oktyabr 2019 13:09

Bir neçə il öncə Tarif Şurası tərəfindən  ictimai nəqliyyatda gediş haqqına dəyişiklik edildikdən sonra BNA tərəfindən daşıyıcı şirkətlərin rəhbərlərinə göstərdikləri xidmətin keyfiyyətinin artırılması xəbərdarlığı edildi. Xüsusilə də bakı ətrafı kənd və qəsəbələrə işləyən avtobuslarda vəziyyətin o qədər də ürəkaçan olmadığını nəzərə alsaq deyə bilərik ki, həmin vaxtdan indiyə kimi yalnız bir neçə daşıyıcı şirkət qoyulan tələbləri yerinə yetirə bilib.

Sərnişindaşımada avtobusların istismar müddəti 10 il  nəzərdə tutulubsa kim deyə bilər ki, bu avtobuslar qanunla istifadə  edilməsinə icazə verilən 10 ili hələ başa vurmayıb. Elə bu nəqliyyat vasitələrinin xarici görkəminə nəzər yetirmək  kifayət edər ki, həmin  avtobusların  nə dərəcədə təhlükəli olmasından xəbərdar olasan

Dəfələrlə  yolda  xarab  olub  qalanlara,  hətta  sərnişinlə  dolu avtobusların anidən alışıb yanmasına , nasaz vəziyyətdə  olduğu üçün sərnişinlərin ölümü ilə nəticələnən  qəzalara səbəb olan marşrut avtobuslarına tez –tez rast gəlirik.

Bəs yaxın vaxtlarda Bakı ətrafı kənd və qəsəbələrə işləyən avtobusların parkının tamamilə yenilənəcəyi və mərkəz yerlərdə olduğu kimi bu ərazilərə işləyən avtobusların da kart sisteminə keçəcəyi gözlənilirmi?

BNA-nın mətbuat xidmətinin rəhbəri Mais Ağayev deyir ki, ümumilikdə Bakı şəhərinin inzibati ərazisində istismarda olan avtobusların təxminən 75 faizi qoyulan tələblərə cavab vermir. Artıq prezidentin müvaqif sərəncamı ilə BNA tərəfindən paytaxda gətirilmiş 300 avtobusun bir qismi Bakı ətrafı kənd və qəsəbələrdə sərnişinlərin xidmətinə veriləcək.

Qeyd edək ki, paytaxda gətirilmiş yeni avtobuslar yaxın günlərdə istifadəyə veriləcək.

RƏŞAD VƏKİLOĞLU SPACE TV

Paylaş

 Xəbəriniz olsun