Bərdə rayonunda polis əməkdaşına xəsarət yetirilib

  • SpaceTV
  • 30 May 2020 16:09

Bərdə rayonunda polis əməkdaşına xəsarət yetirilib.

Rayonun Qaradəmirçi kəndində Bərdə Rayon Polis Şöbəsinin əməkdaşı Eşqin Məmmədov xidməti vəzifəsini yerinə yetirərkən bıçaqlanıb.

DİN-in Mətbuat Xidmətinin rəisi Ehsan Zahidov “Hər gün”ün  sorğusuna cavab olaraq deyib ki, bu gün səhər saat 11:00 radələrində rayonun Qaradəmirçi kənd sakini Vüsalə Cəfərova Bərdə Rayon Polis Şöbəsinə zəng edərək bildirib ki, hazırda atası və qardaşı tərəfindən döyülür:  “Həyatı təhlükədə olub. Dərhal RPŞ-nin Əməliyyat İstintaq qrupu kəndə yollanıb. Onlar qadının qardaşı tərəfindən döyüldüyünü görüblər. V.Cəfərovanı qardaşının əlindən alan zaman o, əlindəki bıçağı bacısına vurarkən polis əməkdaşı Eşqin Məmmədov özünü bıçağın qabağına atıb və bıçaq ona dəyib”. Ühsan Zahidov bildirib ki, polis öz həyatı bahasına başqasının həyatını xilas edib: “Hazırda polis əməkdaşı Bərdə Rayon Mərkəzi Xəstəxanasına yerləşdirilib. Qızı döyən qardaşı Elşən Cəfərov da saxlanılaraq, RPŞ-ə gətirilib”. 

Hazırda araşdırmalar davam  etdirilir.

Emin Babayev SPACE TV

Paylaş

 Xəbəriniz olsun