Azərbaycan – Özbəkistan Əlaqələri

  • SpaceTV
  • 11 Oktyabr 2019 17:08

Azərbaycan –Özbəkistan əlaqlələri 1 millət, 2 dövlət arasında olan  əlaqələrdir. Bu, hər gün getdikcə güclənən qardaşlığın əlaqələridir. Bu sözləri Qənirə Paşayeva Azərbaycan Dövlət Pedaqoji universitetində keçirilən tədbirdə qeyd edib.

Yaxın günlərdə Özbəkistan prezidentinin  türkdilli  dövlətlərin  başçılarının toplantısında iştirak etmək üçün Azərbaycana səfər edəcəyini deyən  millət vəkili   Özbəkistanın  ən ağrılı məsələmiz olan  Dağlıq Qarabağ probleminin həlli məsələsində hər zaman Azərbaycanın yanında olduğunu deyib.

Özbək yazıçısı Babaxan Məhəmməd Şərif isə bildirdi ki, Azərbaycan və Özbəkistan təkcə qardaşlıq bağları ilə deyil, sevgi bağları ilə bağlanıb.

Daşkənddəki  Heydər Əliyev mədəniyyət mərkəzinin  direktoru Samir Abbasov türk dünyasının mərkəzi olaraq Özbəkistanın  Azərbaycan üçün mühüm əhəmiyyət kəsb etdiyini vurğuladı.

NƏRGİZ  ƏRƏSTUNQIZI  SPACE TV

Paylaş

 Xəbəriniz olsun