Azərbaycan millisi Uelsə qarşı oynayacaq

  • SpaceTV
  • 16 Noyabr 2019 11:24

Azərbaycan yığması bu gün növbəti oyununu keçirəcək.

SPACE TV-in məlumatına görə, Nikola Yurçeviçin baş məşqçisi olduğu milli AVRO-2020-nin seçmə mərhələsində Uelsə qarşılaşacaq.

Bakıda keçiriləcək matç yığmanın tsikldəki son ev oyunu olacaq. Bu matçın nəticəsindən asılı olmayaraq, sonuncu yeri tutduğu rəsmiləşən yığma ilk qələbə üçün mübarizə aparacaq.

Əvvəlki 6 qarşılaşmada cəmi 1 xal əldə edən N.Yurçeviçin yetirmələri azarkeşlərinə təsəlli kimi uğurlu nəticə bəxş etmək əzmindədir. Qonaqlar üçün də matçın dəyəri yüksəkdir.

Rayan Giqqzin yetirmələri Bakıda xal itirsələr, final mərhələsi şansları qalmayacaq. Bu səbəbdən uelslilər indiyədək uduzmadığı komandamızı yenmək üçün var qüvvəsini meydanda qoyacaq.

Qeyd edək ki, matç saat 21:00-da başlayacaq.

AVRO-2020-nin seçmə mərhələsi
IX tur
16 noyabr

E qrupu
21:00. Azərbaycan – Uels
Hakimlər: Dəniz Aytekin, Eduard Beitinger, Rafael Foltin, Kristian Dingert (hamısı Almaniya)
Bakı. “Bakcell Arena” stadionu

1Xorvatiya742114-614
2Macarıstan74038-912
3Slovakiya631210-810
4Uels62226-68
5Azərbaycan60155-141
Paylaş

 Xəbəriniz olsun