Ağstafada Bayram qeyd olunur

  • SpaceTV
  • 13 Avqust 2019 13:44

Space.TV – Müsəlmanların müqəddəs  Qurban bayramı  bu gün  ölkəmizin hər yerində  təmtəraqla  qeyd olunur. Ağstafa rayonunda da   Qurban bayramı  insanların bu bayramda  bir birini  təbrik etməsi  bayram sevinclərini  bölüşməsi  eyni zamanda   bayram  payı olan Quran paylarının  alınması ilə   davam etdi  . İslam qaydasına  uyğun olaraq  heyvanlar  kəsildi. Bir  sözlə  hər  kəsin qazanı  qurban tikəsi ilə  qaynamış oldu .  Sakinlərdə   bu  Bayramda   firəvan ölkəmizin   hər bir  vətəndaşını  təbrik etməyi  unutmadılar. 

Qurban bayramı  müsəlmanların ən qədim bayramlardandır. Dini qurban kəsmə mərasimi İslamdan da əvvəl mövcud olub, lakin o vaxtlar günahdan təmizlənmək, qəzəblənmiş Allahın könlünü almaq və s. nəzərdə tutulurdu. İslam aləmində ən müqəddəs bayramlardan biridir. Bütün müsəlman aləmində hər il  hicri təqvimi   ilə zilhüccə ayinin  10-cu günündən başlayır və adətən üç gün davam edir. Mərasimlərdə   qoyun , qoç ,inək , dana və  dəvə   kəsilir.

Qurbanın bir hissəsindən din xadimlərinə pay göndərilir, bir hissəsi isə kasıblara paylanır. Hamıya bərabər pay verilir, qurban kəsən özü də bərabər pay götürə bilər. Ənənəyə görə  kasıblar bayram günü ac qalmasınlar deyə bu gün mərasimlərə dəvət olunurlar. 

Vasif Vaqifoğlu Ağstafa – Space

Paylaş

 Xəbəriniz olsun