20 Yanvar faciəsinin ildönümü Şuşada qeyd olundu

  • SpaceTV
  • 20 Yanvar 2021 15:01

Şuşa şəhərində Azərbaycan Ordusunun hərbi qulluqçularının iştirakı ilə 20 Yanvar faciəsinin 31-ci ildönümünə həsr olunmuş anım mərasimi keçirilib.

Bu barədə Müdafiə Nazirliyi məlumat yayıb.

Tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni ifa olunub.

Tədbirdə 20 Yanvar faciəsinin tarixi əhəmiyyətindən danışılıb, ümummilli lider Heydər Əliyev və Azərbaycan Respublikası Prezidenti, Silahlı Qüvvələrin Ali Baş Komandanı İlham Əliyevin baş vermiş hadisələr barədə həqiqətlərin dünya ictimaiyyətinə çatdırılması istiqamətində həyata keçirdiyi siyasətin uğurları barədə ətraflı məlumat verilib.

Paylaş

 Xəbəriniz olsun