1503 nəfər cərimələnib

  • Space TV
  • 13 Aprel 2020 16:38

Artıq 2 həftədir ki, paytaxtın bütün rayonlarında yaradılmış stasionar postlarda karantın rejiminə görə, polis və daxili qoşunların  əməkdaşları tərəfindən  bütün nəqliyyat vasitələri, onların sürücüləri və sərnişinləri yoxlanıldıqdan  sonra  hərəkətlərinə  icazə  verilir. Görüntülər Sabunçu rayonu Zabrat qəsəbəsindəki yoxlama –buraxılış postundandır.

Əvvəlki günlərlə müqayisədə vətəndaşların icazə sms-i göndərmədən  evdən çıxması və yaxud da karantin qaydalarının  kütləvi şəkildə pozulması halları xeyli  azalıb.Bunu postlarda xidmət aparan polislər də təsdiq edir, ancaq əksər şəxslər yenə də evdən çıxmaq üçün müxtəlif  bəhanələr gətirərək polisi aldatmaqla postu keçməyə cəhd edirlər.  Təəssüf ki, nəticədə həmin şəxslər cərimələnərək geri qaytarılır

Cərimə olunanların əkəriyyəti 2 saatlıq icazə aldıqları halda postlarda yoxlanılan zaman, sms-in müddətinin bitdiyi  məlum olur.

Postlarda yaranan tıxacların bir səbəbi də yoxlama zamanı  sürücü və sərnişinlərin vaxtında polisə sənəd təqdim etməməsidir.

Koronavirus infeksiyasının yayılmasının qarşısının alınması məqsədilə tətbiq edilən xüsusi karantin rejiminin pozulmasına görə təkcə ötən sutka  ərzində respublikanın avtomobil yollarında, nəqliyyat vasitələri ilə hərəkətdə olan 1503 nəfər inzibati məsuliyyətə cəlb edilib.Ümumilikdə isə aprelin 1-dən  bu günədək respublikanın, o cümlədən paytaxtın avtomobil yollarında xüsusi karantin rejiminin pozulmasına görə 16 483 hərəkət iştirakçısı inzibati məsuliyyətə cəlb edilib.

RƏŞAD VƏKİLOĞLU  SPACE TV

Paylaş

 Xəbəriniz olsun