1-cilər-“Bir incilər”

  • SpaceTV
  • 16 Sentyabr 2019 12:07

Valideynlər sevinclidilər şagirdlər isə həyəcanlı. Biri evdən gətirdiyi yeməyini yeyir, digəri isə sinif yoldaşları əvəzinə parta arxasında anasını əyləşdirib. Ağlayan kim,adını bilmədiyi sinif yoldaşı ilə dalaşan kim, hələ  illərdir öyrəncəli olmadıqları saatda ilk dəfə olaraq yuxudan qalxıb  məktəbə  gəldiklərinə görə parta arxasında yatan kim…

Bu gün  ölkə üzrə  bütün təhsil ocaqlarında olduğu kimi  paytaxt məktəblərində də  bilik günü qeyd olunurdu. Paytaxtın Xəzər rayonunda fəaliyyət göstərən 183 saylı orta məktəbdə bu günə xüsusi hazırlaşmışdılar.Çıxış edən qonaqlar yolu məktəbdən ilk dəfə keçən 1-ciləri təbrik edərək onlara uğurlar arzu etdilər.

Paytaxtın Suraxanı rayonunda fəaliyyət göstərən  101 saylı orta məktəbdə də bilik günü qeyd olundu. Şagirdlərini  yenicə istifadəyə verilmiş və bütün lazimi avadanlıqlarla təhciz olunmuş  məktəbdə qarşılayan məktəb direktoru Səidə Məmmədova 1-ciləri təbrik edərək onlara 11 illik məktəb həyatında uğurlar arzu etdi.

16 sentyabr  bilik  günü paytaxtın Bülbülə qəsəbəsində fəaliyyət göstərən Nəriman Həmidov adına 208 saylı orta məktəbdə də qeyd olundu.

Bildirildi ki, son illər təhsilə olan qayğı və diqqətin nəticəsidir ki, bu gun  ölkənin  ən ucqar bölgələrində belə ən müasir  və tam  texniki təhziatı olan məktəblər tikilərək  şagirdlərin  ixtiyarına verilib. O, cümlədən 1 əsrə yaxın yaşı olan 208 saylı məktəb də bu il əsaslı təmir olunaraq yeni dərs ilində şagird və müəllim kollektivinin istifadəsinə verilib.

Qeyd edək ki, yeni dərs ilində Bakı şəhər üzrə Təhsil İdarəsinin tabeliyində fəaliyyət göstərən  318 məktəbdə 414 min 844 şagird təhsil alacaq ki, bunlardan da 48 mindən artıq şagird 1-ci sinifdə oxuyacaq.

Rəşad VəkiloğluSpace

Paylaş

 Xəbəriniz olsun