Ər arvadını döyərək ağır xəsarətlər yetirdi – VİDEO

  • SpaceTV
  • 7 Oktyabr 2019 17:49

3 ayın gəlini əri tərəfindən  şil-küt edilib. Üzündən,  bədəninin müxtəlif  nahiyələrindən   ağır   xəsarətlər alan gəlin xəstəxanaya yerləşdilib.

Bir aylıq məhəbbətin sonu  az qala faciə ilə bitəcəkdi. Deyəcəksiniz ki, bir aylıq sevgimi olar? Olarmış. Zəkiyyə Əminova onu bu  hala qoyan həyat yoldaşını, Abdulla Hacıyevi  tanışlığının 1  ayında sevib,  razılıq verərək, ailə həyatı  qurub. Elə bununla da  Zəkiyyənin qara günləri başlayıb. 3 aydır ki, birgə yaşayan cütlüyün  bundan əvvəl də problemi olub, amma  vəziyyət  bu qədər gərginləşməyib. Ən son qanlı  dava    oktyabrın 2-də  baş verib. Nizami rayonunda  yaşayan 34 yaşlı Abdulla Hacıyev həyat yoldaşı 24 yaşlı Zəkiyyə Əminovanı Sabunçu rayonu Pirşağı qəsəbəsində döyərək xəstəxanalıq edib. Zəkiyyənin bacısı Gülərlə həmsöhbət olduq. Öyrəndik ki, Zəkiyyə 3 ay olar ailə həyatı qurub. Lakin evləndikdən 1 həftə sonra tərəflər arasında mübahisələr yaranıb. Bundan sonra Zəkiyyə ata evinə üz tutub. Bu 1 həftə ərzində isə o,  həyat yoldaşının hərəkətlərindən şoka düşüb. Onun  hərəkət və davranışlarındakı  pozuntu Zəkiyyənin   həyat yoldaşının psixoloji durumunun yerində olmadığı qənaətini yaradıb. Və o, bu haqda Abdullanın    yaxın dostlarından soruşub. Elə  hər şey də bundan sonra baş verib.   Ər həyat yoldaşını  onu dostları arasında biabır etməkdə günühlandırıb  və onu döyərək ağır xəsarətlər yetirib.

Zəkiyyənın müalicəsi hazırda 3 saylı şəhər xəstəxanasında davam etdirilir.

Hazırda döyülmə faktı ilə bağlı araşdırmalar davam etdirilir. Onu da deyək ki, Zəkiyyəgil ailədə 3 bacıdır. Zəkiyyə ailənin sonuncu övladıdır.

HÜRÜ ƏLİYEVA SPACE TV

Paylaş

 Xəbəriniz olsun