picture

XƏBƏRLƏR

SPACE Müstəqil Teleradio Şirkəti
SPACE Independent Broadcasting Company

Ən son xəbərlər

24 may 2017 | no comments
İngiltərədə daha bir partlayış
İngiltərənin Mançester şəhərindəki ticarət mərkəzində partlayış səsi eşidilib

23 may 2017 | no comments
Rusiyada qəzada 5 nəfər ölüb
Rusiyada ağır yol qəzasında 5 nəfər ölüb, 2 nəfər xəsarət alıb

17 may 2017 | no comments
ABŞ-da təyyarə yerə düşdü, ölənlər var
ABŞ-ın Titerboro şəhərinin (Nyu-Cersi ştatı) hava limanı yaxınlığında "Learjet 35" təyyarəsi

16 may 2017 | no comments
Dəhşətli virus qayıdır... 5 ölü
Ümumdünya Səhiyyə Təşkilatı Konqo Demokratik Respublikasında iki nəfərin Ebola

10 may 2017 | no comments
Heydər Əliyevin anadan olmasının 94 illiyi
Azərbaycanda Ümummilli Lider Heydər Əliyevin anadan olmasının 94 illiyi qeyd olunur

10 may 2017 | no comments
ABŞ prezidenti Lavrovla görüşəcək
ABŞ prezidenti Donald Tramp mayın 10-da Vaşinqtonda Rusiya XİN rəhbəri Sergey Lavrovla

09 may 2017 | no comments
Bu gün 9 May - Qələbə Günüdür
Bu gün Azərbaycanda 9 may - Qələbə Günü qeyd olunur. Spacetv.az-ın məlumatına görə

08 may 2017 | no comments
Federika Moqerini: "ABŞ liderliyi itirir"
ABŞ dünya problemlərinin həllində liderliyi itirir, Avropa İttifaqı isə əksinə etibarlı tərəfdaşa çevrilir

İngiltərədə daha bir partlayış

çərşənbə, 24 may 2017, 08:47 Bakı, 04:47 GMT

İngiltərənin Mançester şəhərindəki ticarət mərkəzində partlayış səsi eşidilib, insanlar binadan təxliyyə olunub.

xəbər

Spacetv.az xəbər verir ki, APA-nın "Reuters"ə istinadən verdiyi məlumata görə, hadisə şəhərin mərkəzində yerləşən "Arndale" ticarət mərkəzində baş verib. Şahidlər onlarla insanın binadan qaçdığını bildiriblər. "Sky News" telekanalı polisin ticarət mərkəzində 1 nəfəri saxladığı barədə xəbər yayıb. Hüquq-mühafizə orqanlarının əməkdaşları ərazini mühasirəyə alıb, insanları tez bir zamanda ərazini tərk etməyə çağırıblar.
Qeyd edək ki, mayın 23-nə keçən gecə "Manchester Arena"da amerikalı müğənni Ariana Qrandenin konserti zamanı baş verən terror aktı nəticəsində 22 nəfər ölüb, 59 nəfər yaralanıb. Terrorçu əldəqayırma partlayıcı qurğunu işə salıb və hadisə yerində özü də ölüb. Olaya görə məsuliyyəti İŞİD terror təşkilatı öz üzərinə götürüb.

Rusiyada qəzada 5 nəfər ölüb

çərşənbə axşamı, 23 may 2017, 08:47 Bakı, 04:47 GMT

Rusiyada ağır yol qəzasında 5 nəfər ölüb, 2 nəfər xəsarət alıb.

xəbər

Spacetv.az xəbər verir ki, APA-nın "RİA Novosti" agentliyinə istinadən verdiyi məlumata görə, ötən gecə yerli vaxtla saat 03.00 radələrində Başqırdıstanda "Nissan Skyline" və "Lada Kalina" markalı iki minik avtomobili toqquşub.
"Lada Kalina" markalı minik avtomobilinin sürücüsü və onun üç sərnişini, o cümlədən digər avtomobilin sürücüsü ölüb.
Qəzada xəsarət alan iki nəfər xəstəxanaya yerləşdirilib.

ABŞ-da təyyarə yerə düşdü, ölənlər var

çərşənbə, 17 may 2017, 08:47 Bakı, 04:47 GMT

ABŞ-ın Titerboro şəhərinin (Nyu-Cersi ştatı) hava limanı yaxınlığında "Learjet 35" təyyarəsi qəzaya uğrayıb.

xəbər

Spacetv.az-ın TASS agentliyinə istinadən verdiyi xəbərə görə, təyyarənin göyərtəsində olan iki nəfər ölüb.
Hadisə nəticəsində bir neçə tikili və avtomobil yanıb.
Təyyarənin Filadelfiya şəhərindən Titerboroya uçduğu, uçuş-eniş zolağına 400 m qalmış yerə düşərək yandığı bildirilir.
Qəzanın səbəbləri barədə hələ ki, məlumat verilmir.

Dəhşətli virus qayıdır... 5 ölü

çərşənbə axşamı, 16 may 2017, 08:47 Bakı, 04:47 GMT

Ümumdünya Səhiyyə Təşkilatı Konqo Demokratik Respublikasında iki nəfərin Ebola xəstəliyindən öldüyünü təsdiqləyib.

xəbər

Spacetv.az-ın xəbərinə görə, bu barədə təşkilatın yaydığı açıqlamada bildirilir.
Hazırda tibbi xidmətlər tərəfindən daha 125 nəfərin vəziyyəti yoxlanılır.
Bundan əvvəl Konqoda Ebola virusu üç nəfərin həyatına son qoyub.
Ölkədə son dəfə Ebola epidemiyası 2014-cü ildə qeydə alınmışdı.
O zaman ölümcül xəstəlikdən 49 insan həyatını itirmişdi.

Heydər Əliyevin anadan olmasının 94 illiyi

çərşənbə, 10 may 2017, 08:47 Bakı, 04:47 GMT

Azərbaycanda Ümummilli Lider Heydər Əliyevin anadan olmasının 94 illiyi qeyd olunur.

xəbər

Bu münasibətlə səhərdən etibarən onun Fəxri Xiyabandakı məzarını ziyarət başlayıb.
Ziyarətçilər arasında rəsmi şəxslər, hökumət üzvləri, Azərbaycanda akkreditə olunmuş diplomatik korpusun nümayəndələri, sadə vətəndaşlar var.
Azərbaycan Prezidenti İlham Əliyev də ailə üzvləri ilə birlikdə H. Əliyevin məzarını ziyarət edib. Bu tarixlə bağlı ölkənin bütün bölgələrində və dünyanın bir çox ölkəsində tədbirlər keçirilir.

ABŞ prezidenti Lavrovla görüşəcək

çərşənbə, 10 may 2017, 08:47 Bakı, 04:47 GMT

ABŞ prezidenti Donald Tramp mayın 10-da Vaşinqtonda Rusiya XİN rəhbəri Sergey Lavrovla görüşə bilər.

xəbər

Spacetv.az xəbər verir ki, APA-nın "Blumberq"ə istinadən verdiyi xəbərə görə, görüşün Ağ Evdə baş tutacağı gözlənilir.
Qeyd edək ki, bundan əvvəl S. Lavrovun 9-11 may tarixlərində ABŞ-a işgüzar səfər edəcəyi barədə xəbər yayılmışdı.
Səfər çərçivəsində onun ABŞ-ın dövlət katibi Reks Tillersonla danışıqlar aparacağı bildirilmişdi.

Bu gün 9 May - Qələbə Günüdür

çərşənbə axşamı, 09 may 2017, 08:47 Bakı, 04:47 GMT

Bu gün Azərbaycanda 9 may - Qələbə Günü qeyd olunur.

xəbər

Spacetv.az-ın məlumatına görə, faşizm üzərində qələbənin 72-ci ildönümü ilə bağlı ölkənin müxtəlif bölgələrində və paytaxtda tədbirlər keçirilir.
Qeyd edək ki, bu müharibədə Azərbaycandan 700 min şəxs iştirak edib. Azərbaycan diviziyaları Qafqazdan Berlinə qədər mübarizə yolu keçiblər.
Bu müharibədə 130-a yaxın azərbaycanlı Sovet İttifaqı Qəhrəmanı adına layiq görülüb, 30 nəfəri Şərəf ordeni ilə təltif olunub, 170 min soydaşımız SSRİ-nin müxtəlif orden və medalları ilə təltif ediliblər.

Federika Moqerini: "ABŞ liderliyi itirir"

bazar ertəsi, 08 may yanvar 2017, 08:47 Bakı, 04:47 GMT

ABŞ dünya problemlərinin həllində liderliyi itirir, Avropa İttifaqı isə əksinə etibarlı tərəfdaşa çevrilir.

xəbər

Spacetv.az-ın "RİA Novosti" agentliyinə istinadən verdiyi xəbərə görə, bunu Avropa İttifaqının diplomatiya rəhbəri Federika Moqerini bəyan edib.
"Avropa İttifaqı dünyada irimiqyaslı problemlərin həllində etibarlı tərəfdaş mövqeyi tutmaq imkanına malikdir. ABŞ isə bir çox sahələrdə liderliyi itirir", - deyə F. Moqerini bildirib.
ABŞ prezidenti Donald Trampın gözlənilməz siyasəti barədə sualı cavablandıran F.Moqerini bildirib ki, Avropanın yolu təxribatlarla oynamaqdan ibarət deyil.
"İnsanlar Avropa İttifaqından nə gözlədiklərini bilirlər. Hazırkı geopolitik vəziyyətdə isə bu çox önəmlidir", - deyə F. Moqerini vurğulayıb.