picture

XƏBƏRLƏR

SPACE Müstəqil Teleradio Şirkəti
SPACE Independent Broadcasting Company

Ən son xəbərlər

25 sentyabr 2017 | no comments
İraqda 42 nəfər edam edildi
İraqda terror fəaliyyəti ilə əlaqədar 42 nəfər edam edilib

25 sentyabr 2017 | no comments
ABŞ bombardmançıları KXDR sahillərində
ABŞ Hərbi-Hava Qüvvələrinə məxsus bombardmançı təyyarələr Şimali Koreya sahillərinin

22 sentyabr 2017 | no comments
NATO baş katibi Lavrovla görüşdü
Spacetv.az xəbər verir ki, NATO baş katibi Yens Stoltenberq Rusiya XİN rəhbəri

22 sentyabr 2017 | no comments
ABŞ və Əfqanıstan razılığa gəliblər
ABŞ və Əfqanıstan prezidentləri Donald Tramp və Əşrəf Qani ABŞ-ın regiondakı yeni antiterror

20 sentyabr 2017 | no comments
ABŞ Ukraynaya hərbi yardım ayırdı
ABŞ Senatının qəbul etdiyi büdcə layihəsi Ukraynaya 500 milyon dollar dəyərində hərbi yardımın

20 sentyabr 2017 | no comments
Rəcəb Tayyip Ərdoğan kürdlərə çağırış etdi
Türkiyə prezidenti Rəcəb Tayyip Ərdoğan Şimali İraq Kürd Muxtariyyətini müstəqillik ideyasından

18 sentyabr 2017 | no comments
NATO: "Aİ Türkiyəni uzaqlaşdırmamalıdır"
Avropa İttifaqı Türkiyənin üzvlüyü məsələsinə ehtiyatla yanaşmalıdır və bu ölkənin heç vaxt

18 sentyabr 2017 | no comments
Yupiterdən iki dəfə böyük olan planet kəşf edildi
Günəş sistemində Yupiterdən iki dəfə böyük olan planet kəşf edilib

15 sentyabr 2017 | no comments
Təbriz-Bakı reysinin ləngimə səbəbi açıqlandı
Təbriz-Bakı reysini yerinə yetirən təyyarənin mühərrik bölməsində quş yuvası aşkarlanması

15 sentyabr 2017 | no comments
Türkiyə Aİ ilə sammit keçirmək istəyir
Ankara Avropa İttifaqına üzvlük məsələsində irəliləyişə nail olmaq və ikitərəfli

İraqda 42 nəfər edam edildi

bazar ertəsi, 25 sentyabr 2017, 18:47 Bakı, 14:47 GMT

İraqda 42 nəfər edam edildi.

xəbər

İraqda terror fəaliyyəti ilə əlaqədar 42 nəfər edam edilib.
Spacetv.az xəbər verir ki, APA-nın məlumatına görə, bu barədə bu gün "Shafaq News" portalı İraq Ədliyyə Nazirliyinə istinadən məlumat yayıb.
Qeyd edək ki, Mosul, Telafər və digər şəhərin İŞİD terror təşkilatından azad edilməsindən sonra minlərlə terrorçu yaxalanıb.

ABŞ bombardmançıları KXDR sahillərində

bazar ertəsi, 25 sentyabr 2017, 16:47 Bakı, 12:47 GMT

ABŞ bombardmançıları KXDR sahillərində.

xəbər

ABŞ Hərbi-Hava Qüvvələrinə məxsus bombardmançı təyyarələr Şimali Koreya sahillərinin şərqində uçuşlar həyata keçiriblər.
Spacetv.az xəbər verir ki, APA-nın "RİA Novosti"yə istinadən verdiyi xəbərinə görə, bu barədə Pentaqonun bəyanatında bildirilir.
Məlumata görə, uçuşlar ABŞ-ın hərbi potensialının nümayiş etdirilməsi məqsədilə keçirilib. Uçuşlar beynəlxalq hava məkanında həyata keçirilib.

NATO baş katibi Lavrovla görüşdü

cümə, 22 sentyabr 2017, 14:47 Bakı, 10:47 GMT

NATO baş katibi Yens Stoltenberq Sergey Lavrovla görüşdü.

xəbər

NATO baş katibi Yens Stoltenberq Rusiya XİN rəhbəri Sergey Lavrovla Şimali Koreya və Əfqanıstanı müzakirə etdiyini bildirib.
Spacetv.az xəbər verir ki, NATO baş katibi Yens Stoltenberq Rusiya XİN rəhbəri Sergey Lavrovla Şimali Koreya və Əfqanıstanı müzakirə etdiyini bildirib.
"Biz Əfqanıstanı və yayılmama məsələləri ilə əlaqədar problemləri müzakirə etdik. O cümlədən Şimali Koreyadan gələn təhlükələri müzakirə etdik", - deyə Yens Stoltenberq qeyd edib.
Görüş Nyu Yorkda, BMT Baş Assambleyanın 72-ci sessiyası çərçivəsində baş tutub.

ABŞ və Əfqanıstan razılığa gəliblər

cümə, 22 sentyabr 2017, 09:47 Bakı, 05:47 GMT

ABŞ və Əfqanıstan prezidentləri razılığa gəliblər.

xəbər

ABŞ və Əfqanıstan prezidentləri Donald Tramp və Əşrəf Qani ABŞ-ın regiondakı yeni antiterror strategiyasının icrasına dair razılığa gəliblər.
Spacetv.az xəbər verir ki, APA-nın "RİA Novosti"yə istinadən verdiyi xəbərə görə, bu barədə Ağ Evin məlumatında bildirilir.
"Prezident Tramp və prezident Qani ABŞ-ın Cənubi Asiyada terrorla mübarizəyə dair yeni strategiyasını tam şəkildə icra etməyə, habelə Amerika və Əfqanıstan xalqlarının təhlükəsizliyini təmin etməyə hazır olduqlarını bildiriblər", - deyə sənəddə qeyd olunur.

ABŞ Ukraynaya hərbi yardım ayırdı

çərşənbə, 20 sentyabr 2017, 18:47 Bakı, 14:47 GMT

ABŞ Senatının qəbul etdiyi büdcə layihəsi Ukraynaya 500 milyon dollar dəyərində hərbi yardımın ayrılmasını nəzərdə tutur.

xəbər

Spacetv.az xəbər verir ki, APA-nın xəbərinə görə, bunu Ukrayna prezidenti Petro Poroşenko özünün "Facebook" səhifəsində yazıb.
O qeyd edib ki, sənədlə rəsmi Kiyevə müdafiə xarakterli letal (öldürücü) silahların verilməsi təsdiqlənib.
Qeyd edək ki, bu gün ABŞ Senatı milli müdafiə xərclərinə dair 700 milyard dollarlıq büdcə layihəsini səs çoxluğu ilə qəbul edib.

Rəcəb Tayyip Ərdoğan kürdlərə çağırış etdi

çərşənbə, 20 sentyabr 2017, 16:47 Bakı, 12:47 GMT

Türkiyə prezidenti Rəcəb Tayyip Ərdoğan Şimali İraq Kürd Muxtariyyətini müstəqillik ideyasından və referendum keçirmək planından imtina etməyə çağırıb.

xəbər

Spacetv.az xəbər verir ki, APA-nın xəbərinə görə, bunu Türkiyə prezidenti Rəcəb Tayyib Ərdoğan BMT Baş Assambleyasının Nyu-Yorkda keçirilən 72-ci sessiyasında çıxışı zamanı bildirib.
"Müstəqillik tələbi ilə atılan addımlardan çəkinmək gərəkdir. Bu cür addımlar bölgədə yeni böhran və münaqişələrin yaranmasına səbəb ola bilər. İraq Kürd Muxtariyyətini bu təşəbbüsə son qoymağa çağırırıq. Türkiyənin bu məsələ ilə bağlı aydın mövqeyinin inkar edilməsi İraq Kürd Muxtariyyətinin rəhbərliyini hazırkı imkanlarından məhrum edəcək", - deyə Ərdoğan qeyd edib.

NATO: "Aİ Türkiyəni uzaqlaşdırmamalıdır"

bazar ertəsi, 18 sentyabr 2017, 14:47 Bakı, 10:47 GMT

Avropa İttifaqı Türkiyənin üzvlüyü məsələsinə ehtiyatla yanaşmalıdır və bu ölkənin heç vaxt Aİ üzvü olmayacağı kimi bəyanatlar verməməlidir.

xəbər

Spacetv.az xəbər verir ki, APA-nın "RİA Novosti"yə istinadən verdiyi xəbərə görə, bunu NATO baş katibinin diplomatiya üzrə köməkçisi Taçan İldem bildirib.
"Bir vaxtı qəbul etmək çox vacibdir: əgər hər hansı ölkə Avroatlantik və Avropa qurumlarına üzv olmağa can atırsa, perspektivi və mümkün zaman çərçivələrini saxlamaq vacibdir ", - deyə T.İldem bildirib.
Onun sözlərinə görə, "Türkiyənin üzvlüyü ilə əlaqədar danışıqlardakı hazırkı vəziyyət ölkədə narazılıq və məyusluğu xeyli artırıb".
"Türkiyə Aİ-yə üzv olmaq niyyətini hələ 1963-cü ildə bəyan edib və o vaxtdan da blokun kandarında qalmaqdadır. Belə hallarda üzvlük məsələsinə ehtiyatla yanaşmaq, düşünürəm ki, daha müdrik addım olardı. Həmin ölkələrin əhalisi arasında bu bloklara heç vaxt üzv olmayacağına dair əminlik yaratmaq olmaz", - deyə T.İldem qeyd edib.

Yupiterdən iki dəfə böyük olan planet kəşf edildi

bazar ertəsi, 18 sentyabr 2017, 09:47 Bakı, 05:47 GMT

Günəş sistemində Yupiterdən iki dəfə böyük olan planet kəşf edilib.

xəbər

Spacetv.az xəbər verir ki, "Qafqazinfo"nun NTV-yə istinadən xəbərinə görə, kəşfə Kanadadakı Makgil Universitetinin alimləri imza atıblar.
Teylor Bellin rəhbərlik etdiyi astronomlar qrupu Günəş sisteminin xaricində işığı əks etdirməyən səthə malik "qara" planet aşkarladıqlarını açıqlayıblar. Həmin planetə isə "WASP-12b" adı verilib.
Günəş sistemində ən böyük planet olaraq qeydiyyata keçən "WASP-12b"nin 1 illik tam dövrü Yer planetinin 1 günlük hərəkətinə bərabərdir.
Bu planetin səthi 2600 dərəcəyədək isinir.

Təbriz-Bakı reysinin ləngimə səbəbi açıqlandı

cümə, 15 sentyabr 2017, 14:47 Bakı, 10:47 GMT

Təbriz-Bakı reysini yerinə yetirən təyyarənin mühərrik bölməsində quş yuvası aşkarlanması səbəbindən uçuş təxirə salınıb.

xəbər

Spacetv.az xəbər verir ki, Lent.az-ın "Azərtac"-a istinadən xəbərinə görə, İranın ATA Hava Yollarına məxsus təyyarə Təbrizin hava limanından Bakı istiqamətinə uçuşa hazırlaşarkən kapitan mühərrikdən qeyri-adi səsin gəldiyini duyub və mühərrikin yoxlanılmasını istəyib.
Yoxlama zamanı məlum olub ki, mühərrikin yerləşdiyi bölməyə bir neçə quş girib.
Quşlar mühərrik bölməsindən götürüləndən sonra təyyarənin uçmasına icazə verilib.

Türkiyə Aİ ilə sammit keçirmək istəyir

cümə, 15 sentyabr 2017, 09:47 Bakı, 05:47 GMT

Ankara Avropa İttifaqına üzvlük məsələsində irəliləyişə nail olmaq və ikitərəfli münasibətlərin möhkəmləndirmək məqsədilə Aİ-yə sammit keçirməyi təklif edib.

xəbər

Spacetv.az xəbər verir ki, APA-nın "Röyters"ə istinadən verdiyi xəbərə görə, bu barədə Türkiyənin Aİ məsələləri üzrə naziri Ömər Çelik bildirib.
"Türkiyə Aİ-nin tamhüquqlu üzvü olmaq məqsədindən imtina etməyib, biz irəliləmək üçün addımlar atmağa hazırıq", - deyə Çelik qeyd edib.
Nazir qeyd edib ki, Aİ ölkələrində Türkiyənin bloka üzv olması məsələsində fərqli mövqelər mövcuddur. Onun sözlərinə görə, Avropa Qonşuluq Siyasəti və Genişlənmə Danışıqları üzrə Komissarı Yohanes Xan Ankaranın ittifaqa üzv seçilməsinə fəal şəkildə əngəllər törətməkdə davam edir.
"Merkel və digər avropalı siyasətçilər Ankaranı çox məyus etdilər, belə ki, tarixinin ən ağır məqamlarından birində dostlar və müttəfiqlər Türkiyəni tək qoydu", - deyə Çelik əlavə edib.
"Aİ-də ciddi problemlər yaşanmaqdadır - Böyük Britaniyanın blokdan çıxmasının hansı fəsadlarla nəticələnəcəyini bilmirik, onlar qanunsuz miqrasiya problemini həll edə bilmirlər, terrorla mübarizə sahəsində çoxlu boşluqlar mövcuddur, islahatların aparılmasına çox ciddi ehtiyac var. Onlar isə bunları kənara qoyaraq, mühüm daxili problemlərini pərdələmək üçün Türkiyə ilə antaqonizm yaradırlar", - deyə nazir əlavə edib.