Yeni ilinizin – dostluqların çoxaldığı, uğurların mütəmadiləşdiyi, sevginin əsla azalmadığı, həyatın gözəlliklərlə dolu olduğu yeni bir il olmasını diləyirik.
Ən gözəl günlər, əminamanlıq və sülh, daima Azərbaycan xalqının üzərində olsun!

    İlham Heydər oğlu Əliyev 1961-ci il dekabrın 24-də Bakı şəhərində anadan olub. Orta təhsilini 1967-1977-ci illərdə Bakı şəhərində alan İlham Əliyev 1977-ci ildə Moskva Dövlət Beynəlxalq Əlaqələr İnstitutuna daxil olub, ali təhsilini müvəffəqiyyətlə başa vuraraq elmi fəaliyyətini institutun aspiranturasında davam etdirib. 1985-ci ildə dissertasiya müdafiə edən İlham Əliyev tarix elmləri namizədi alimlik dərəcəsi alıb və 1990-cı ilədək Moskva Dövlət Beynəlxalq Əlaqələr İnstitutunda müəllim işləyib. Gələcək dövlət başçısı 1994-2003-cü illərdə Azərbaycan Respublikası Dövlət Neft Şirkətinin vitse-prezidenti, sonra isə birinci vitse-prezidenti vəzifəsində çalışıb, "Heydər Əliyevin neft strategiyası"nın həyata keçirilməsində fəal iştirak edib.

1995-ci və 2000-ci illərdə Milli Məclisə üzv seçilən İlham Əliyev 2001-2003-cü illərdə Avropa Şurası Parlament Assambleyasında (AŞ PA) Azərbaycan nümayəndə heyətinin rəhbəri olub. AŞ PA-da siyasi fəaliyyəti çərçivəsində 2003-cü ilin yanvar ayında qurumun sədr müavini və Büro üzvü seçilib. 2003-cü ildə baş nazir vəzifəsinə təyin edilməsi ilə əlaqədar İlham Əliyevin deputat səlahiyyətlərinə xitam verilib. 2003-cü il oktyabrın 15-də Azərbaycan Respublikasının Prezidenti seçilib və oktyabrın 31-də vəzifəsinin icrasına başlayıb. 2008-ci il oktyabrın 15-də keçirilən seçkilərdə seçicilərin 88 faizindən çoxunun səsini qazanan İlham Əliyev ikinci dəfə Azərbaycan Respublikasının Prezidenti seçilib.

Qeyd edək ki, İlham Əliyev həmçinin 1997-ci ildən Azərbaycanın Milli Olimpiya Komitəsinin prezidentidir. İdmanın və Olimpiya hərəkatının inkişafında böyük xidmətlərinə görə Beynəlxalq Olimpiya Komitəsinin ali ordeni ilə təltif edilib. Azərbaycan, rus, ingilis, fransız və türk dillərini mükəmməl bilir.

Evlidir. Üç övladı, iki nəvəsi var.

    Azərbaycan ictimaiyyəti dekabrın 12-də, ümummilli lider Heydər Əliyevin vəfatının altıncı ildönümündə, Fəxri Xiyabanı ziyarət edir.
Gün ərzində eks-prezidentin məzarını ictimai xadimlər, ziyalılar, hökumət rəsmiləri və parlament nümayəndələri də ziyarət edəcək.
Azərbaycanın son otuz ildən artıq bir dövrünü əhatə edən tarixi və taleyi Heydər Əliyevin adı ilə qırılmaz tellərlə bağlıdır. Bu illər ərzində xalqın ictimai-siyasi, iqtisadi və mədəni həyatının bütün sahələrində dirçəliş məhz onun adı ilə bağlıdır.
Heydər Əliyev rəhbərlik etdiyi bu dövr ərzində daim tərəqqisi üçün çalışdığı, zəngin mədəniyyəti, böyük tarixi keçmişi ilə həmişə qürur duyduğu və gələcək nəsillərinin taleyi üçün düşündüyü doğma yurdu Azərbaycanı bir dövlət kimi zamanın ağır və sərt sınaqlarından çıxarıb.
O, böyük siyasi və dövlət xadimi, xalqın şəksiz lideri olaraq hələ sağlığında canlı əfsanəyə çevrilib, buna görə də Heydər Əliyev fenomeni həmişə diqqətləri cəlb edib, dünya azərbaycanlılarının ümummilli liderinin heyranlıq doğuracaq dərəcədə coşğun siyasi fəaliyyəti istər ölkə, istərsə də dünya mətbuatında geniş işıqlandırılıb.

    Bu gün Azərbaycanda Ramazan bayramı qeyd olunur.

Müqəddəs Ramazan ayı müsəlmanlara hicri təqviminin kinci (622- ci il) ilində təyin edilmişdir. Ramazan ayı insanlara Allahı sevməyi öyrədir, onlara öz iradəsini, dözümünü yoxlamaq imkanı verir, insanları gözüaçıq, təmiz vicdanlı olmağa yönəldir və bunlar orucla ifadə olunur.

Orucluq öz tarixini Məhəmməd Peyğəmbər tərəfindən Mədinədə bu məqsədlə Ramazan ayı təyin olunandan başlayır. Məhz Ramazan ayının axırıncı on gecəsinin birində Quran nazil edilmişdir. Deyilənə görə, bu hadisə ayın 23 - dən 24 - nə, ya da 26 - dan 27-nə keçən gecə baş vermişdir. Bu gecə "leylətul - qadr" - qüdrətli, əzəmətli gecə adlanır. Quranda bu gecə haqda belə yazılır: "Biz bu gecə həqiqətən qüdrət, əzəmət hədiyyə etmişik, bu gecə min aydan da qüdrətlidir, mələklər aşağı enərək, Allahın əmrini gözləyirlər, bu gecə şəfəq doğanadək əmin - amanlıqdir, sülhdür" (97:1-5).

Orucluqda günün işıqlı vaxtı yemək, içmək, siqaret çəkmək, ər - arvad arasında cinsi yaxınlıq və s. olmaz. Bunlardan yalnız uşaqlar, xəstələr, hamilə qadınlar, cəbhədə vuruşanlar, yolçular (səyyahlar) azad olunurlar. Orucluq Ramazan ayında təzə Ay çıxandan başlanır və 29 - 30 sutka davam edir. Quranda yazılır: "Yeyin, için, ta qara sapın ağ sapdan seçilənəcən, sonra qaranlıq düşənəcən oruc tutun" (2:187).

Orucluq islamdan da əvvəl mövcud idi. Hələ qədim ərəblər öz allahları rizasına oruc tuturdular. Bu haqda Quranda deyilir: "Sizlərə oruc tutmaq buyrulduğu kimi, bizdən əvvəlkilərə də buyrulmuşdur".

Orucluq pəhrizi qurtarmaq - id əl-fitr - bayramı ilə başa çatır. Həmin gün bütün imkanlı müsəlmanlar kasıblara yardım etməlidirlər. Fitrə verərkən bütün ailə üzvləri nəzərə alınır. Azərbaycanda Orucluq bayramı 1993 - cü ildən dövlət səviyyəsində qeyd olunur.

Ramazan bayramı 2 gün qeyd olunur.

    SpaceTV Azərbaycan xalqını 15 İyun – Milli Qurtuluş Günü münasibəti ilə təbrik edir!

İşlərinizdə daimi nailiyyətlər arzulayırıq!

    SpaceTV Azərbaycan xalqını 28 May - Respublika Günü münasibətilə təbrik edir!

Hörmətli baci və gardaşlarimiz!

Sizi 28 May - Respublika Günü münasibətilə səmimi qəlbdən təbrik edirik, ən xoş arzularımızı bildiririk!!!

    Dövlət Musiqili Komediya teatrında görkəmli kinorejissor, xalq artisti Vaqif Mustafayevin "Yaramaz" filminin 20 illik yubileyi qeyd olunub. Yubiley mərasimində dövlət rəsmiləri və incəsənət xadimləri iştirak ediblər. Çıxış edən millət vəkilləri və kino xadimləri "Yaramaz" filminin Azərbaycan kino tarixindəki yerindən danışıblar. Qeyd edək ki, "Yaramaz" Azərbaycan kino tarixində faciə janrında çəkilən ilk komediyadır. Filmdə yaxşı adamın pis adama necə çevrilməsindən danışılır. Dövrün bəlaları çılpaqlığı ilə üzə çıxarılır, insan şəxsiyyətinin deformasiyasının, mənəvi düşkünlüyünün səbəbləri tənqid olunur. Azərbaycan kinosuna beynəlxalq arenada ilk uğuru qazandıran "Yaramaz" filmi bununla kino tariximizdə dönüş yaradır. 20 İl ərzində 46 beynəlxalq festivallarda göstərilən bu filmi tamaşaçılar bu gün də maraqla izləyir. Yubiley mərasimində filmdən qısa fraqmentlər nümayiş olundu və dünya kino xadimlərinin görkəmli kinorejissor Vaqif Mustafayev haqqında fikirləri səsləndi. Sonda xoş sözlərə və təbriklərə görə təşəkkürünü bildirən kinorejissor Vaqif Mustafayev gələcəkdə də tamaşaçıları yeni filmlərlə sevindirəcəyini dedi.

    Azərbaycanda ümummilli lider Heydər Əliyevin anadan olmasının 86 illiyi qeyd olunur. Bu münasibətlə səhərdən etibarən onun Fəxri Xiyabandakı məzarını ziyarət başlayıb. Ziyarətçilər arasında rəsmi şəxslər, hökumət üzvləri, Azərbaycanda akkreditə olunmuş diplomatik korpusun nümayəndələri, sadə vətəndaşlar var. Prezident İlham Əliyev də ailə üzvləri ilə birlikdə H. Əliyevin məzarını ziyarət edib. Heydər Əliyevin 86 illik yubileyi ilə bağlı Bakı Şəhər İcra Hakimiyyətinin təşkilatçılığı ilə Azərbaycan paytaxtında Gül Bayramı keçirilir.

    Kütləvi informasiya vasitələrinin nümayəndələri arasında keçirilən, Heydər Əliyevin anadan olmasının 86 illiyinə həsr olunmuş futbol üzrə Media Kuboku turnirinə bu gün yekun vurulub.

1-ci yer uğrunda matçda SpaceTV AzTV-ni 3:2 hesabı ilə məğlub edərək, Media Kuboku turnirinin qalibi adını qazanıb.

Ötən il yarışın qalibi olmuş ANS komandası bu dəfə 3-cü yerlə kifayətlənib.