Azərbaycanda ümummilli lider Heydər Əliyevin anadan olmasının 89 illiyi qeyd olunur. Bu münasibətlə səhərdən etibarən onun Fəxri Xiyabandakı məzarını ziyarət başlayıb. Ziyarətçilər arasında rəsmi şəxslər, hökumət üzvləri, Azərbaycanda akkreditə olunmuş diplomatik korpusun nümayəndələri, sadə vətəndaşlar var. Prezident İlham Əliyev də ailə üzvləri ilə birlikdə H. Əliyevin məzarını ziyarət edib. Heydər Əliyevin 89 illik yubileyi ilə bağlı Bakı Şəhər İcra Hakimiyyətinin təşkilatçılığı ilə Azərbaycan paytaxtında Gül Bayramı keçirilir.

    Bu gün Azərbaycanda 9 may - Qələbə Günü qeyd olunur. Faşizm üzərində qələbənin 67-ci ildönümü ilə bağlı ölkənin müxtəlif bölgələrində və paytaxtda tədbirlər keçirilir. Qeyd edək ki, bu müharibədə Azərbaycandan 660 min şəxs iştirak edib. Azərbaycan diviziyaları Qafqazdan Berlinə qədər mübarizə yolu keçiblər. Bu müharibədə 130-a yaxın azərbaycanlı Sovet İttifaqı Qəhrəmanı adına layiq görülüb, 30 nəfəri Şərəf ordeni ilə təltif olunub, 170 min soydaşımız SSRİ-nin müxtəlif orden və medalları ilə təltif ediliblər.

    Azərbaycan Mətbuat Şurasında Dialoq Avrasiya Platforması tərəfindən təsis edilmiş «Həqiqətə xidmətlərinə görə» mükafatının «Space» televiziya şirkətinin prezidenti Vaqif Mustafayevin təltifi mərasimi olmuşdur.

MŞ-ın mətbuat xidmətinin məlumatına görə bu qurumun rəhbəri Əflatun Amaşov mükafatın təqdim etmə mərasimində qeyd etdi ki, Vaqif Mustafayevin yaratdığı «Bir həsədin tarixi» filmi Azərbaycanın ümummilli lideri Heydər Əliyevin SSSR-nin eks-prezidenti Mixail Qorboçov ilə olan münasibətlərinə həsr edilib və dünya sənədli filmlərinin incisidir.

Vaqif Mustafayevin «Bir həsədin tarixi» filmində ortaya qoyduğu həqiqətlərin ən layiqli qiymətini alması üçün zamana ehtiyacın duyulduğunu deyən təhsil naziri Misir Mərdanov gənclərə - tələbələrə, şagirdlərə çatdırılmasını vacib sayaraq qeyd etdi ki, filmdə öz əksini tapan faktlar yeni tarixini düzgün öyrənilməsi üçün gələcəkdə tədris proqramlarına salınmalıdır, məktəb dərsliklərinə daxil edilməlidirlər.

Öz növbəsində Vaqif Mustafayev qeyd etdi ki, bu filmi yaradarkən kinorejissor kimi yox, bir vətəndaş kimi çıxış etmişdir. «Mənim fəaliyyətimi belə yüksək qiymətləndirməyinizə görə sizə minnətdaram. Mənim üçün ən böyük mükafat - Dahi lider Heydər Əliyev və hazırki prezident İlham Əliyevin mənim əməyinin qiymətləndirilməsidir.»

Mükafatlandırma mərasimində Milli Məclisin deputatları, qəzetlərin baş redaktorları və başqaları çıxış etdilər.

    SpaceTV Azərbaycan xalqını müqəddəs Novruz bayramı münasibəti ilə təbrik edir!

                                Hörmətli baci və qardaşlarımız!

Sizi Novruz bayramı münasibətilə səmimi qəlbdən təbrik edirik, ən xoş arzularımızı bildiririk. Novruz yenilik, gözəllik, dirçəliş, saf arzu və diləklər, səmimi hisslər, mənəvi dəyərlər bayramıdır. Qoy bu əziz bayram hər bir Azərbaycan ailəsinə gözəl əhvaliruhiyyə, sevinc, səadət və yeni məkanlar bəxş etsin!!!

Hörmətli xanımlar,

Sizi qarşıdan gələn "8 Mart Beynəlxalq Qadınlar Günü" münasibəti ilə ürəkdən təbrik edirik, ailə səadəti və peşəkar fəaliyyətinizdə uğurlar arzulayırıq.

Hörmətlə, SpaceTV

   Yeni ilinizin – dostluqların çoxaldığı, uğurların mütəmadiləşdiyi, sevginin əsla azalmadığı, həyatın gözəlliklərlə dolu olduğu yeni bir il olmasını diləyirik.
   Ən gözəl günlər, əminamanlıq və sülh, daima Azərbaycan xalqının üzərində olsun!

   Bu gün Azərbaycan prezidenti İlham Əliyevin doğum günüdür.
İlham Heydər oğlu Əliyev 1961-ci il dekabrın 24-də Bakı şəhərində anadan olub. Orta təhsilini 1967-1977-ci illərdə Bakı şəhərində alan İlham Əliyev 1977-ci ildə Moskva Dövlət Beynəlxalq Əlaqələr İnstitutuna daxil olub, ali təhsilini müvəffəqiyyətlə başa vuraraq elmi fəaliyyətini institutun aspiranturasında davam etdirib. 1985-ci ildə dissertasiya müdafiə edən İlham Əliyev tarix elmləri namizədi alimlik dərəcəsi alıb və 1990-cı ilədək Moskva Dövlət Beynəlxalq Əlaqələr İnstitutunda müəllim işləyib. Gələcək dövlət başçısı 1994-2003-cü illərdə Azərbaycan Respublikası Dövlət Neft Şirkətinin vitse-prezidenti, sonra isə birinci vitse-prezidenti vəzifəsində çalışıb, "Heydər Əliyevin neft strategiyası"nın həyata keçirilməsində fəal iştirak edib.

1995-ci və 2000-ci illərdə Milli Məclisə üzv seçilən İlham Əliyev 2001-2003-cü illərdə Avropa Şurası Parlament Assambleyasında (AŞ PA) Azərbaycan nümayəndə heyətinin rəhbəri olub. AŞ PA-da siyasi fəaliyyəti çərçivəsində 2003-cü ilin yanvar ayında qurumun sədr müavini və Büro üzvü seçilib. 2003-cü ildə baş nazir vəzifəsinə təyin edilməsi ilə əlaqədar İlham Əliyevin deputat səlahiyyətlərinə xitam verilib. 2003-cü il oktyabrın 15-də Azərbaycan Respublikasının Prezidenti seçilib və oktyabrın 31-də vəzifəsinin icrasına başlayıb. 2008-ci il oktyabrın 15-də keçirilən seçkilərdə seçicilərin 88 faizindən çoxunun səsini qazanan İlham Əliyev ikinci dəfə Azərbaycan Respublikasının Prezidenti seçilib.

Qeyd edək ki, İlham Əliyev həmçinin 1997-ci ildən Azərbaycanın Milli Olimpiya Komitəsinin prezidentidir. İdmanın və Olimpiya hərəkatının inkişafında böyük xidmətlərinə görə Beynəlxalq Olimpiya Komitəsinin ali ordeni ilə təltif edilib. Azərbaycan, rus, ingilis, fransız və türk dillərini mükəmməl bilir.

Evlidir. Üç övladı, iki nəvəsi var.

SpaceTV prezidenti İlham Əliyevi 50 illik yubileyi münasibətilə təbrik edir, dövlət başçısına uzun ömür, cansağlığı, fəaliyyətində uğurlar arzulayır.